may mga araw na ayaw

minsan may mga araw na ayaw
ayaw mong magpatuloy pa
ayaw mo nang gumising
ayaw mong may kumausap sayo

anong sitwasyon?
agam-agam sa trabaho?
sa mga bagay na pinangarap na di nagkatotoo?

o sa oasis na abot-tanaw mo
yun pala'y guni-guni lamang na dulot nang pagkahilo

sa antisipasyon sa isang bagay na alam mong malabo
at sa pagbuo nang isang bagay na wala naman talagang halaga sayo 

ngunit sa awa'y di mo rin mapahintulutang gumuho

at sa huli'y di pa rin sigurado kung hihilingin mo
na malaman kung ano ba ang silbi sa mundo
o kaya'y alisin ang kakayahang mangarap pa 

gayung di naman kaakibat ang kalayaan 

o katapangang maisakatuparan ito